МИНИСТЕР НА ТРАМП РЕЧЕ ДЕКА АКЦИИТЕ НА „ТЕСЛА“ НИКОГАШ НЕМА ДА ПАДНАТ ПОД 235 ДОЛАРИ. НО ПАДНАА - еве што ја мачи компанијата и зошто во прашање е и Маск

Добивај вести на Viber

Падот на вредноста на акциите на Tesla дополнително се забрза во последните недели. Во еден момент во понеделникот акциите на производителот на електрични возила паднаа за цели 11 отсто, на околу 214 долари. Тоа е под нивото од 235 долари – сума што американскиот секретар за трговија Хауард Лутник неодамна ја нарече „најниска цена што Тесла некогаш ќе ја има“.

На затворањето на тргувањето, акциите беа на 233,29 долари.

Лутник ја пофали Тесла во телевизиско интервју минатиот месец, бидејќи вредноста на акциите падна. Тој потоа рече дека е „неверојатно“ колку се евтини акциите на Тесла и рече дека „ова ќе биде последен пат да бидат толку евтини“.

Акциите накратко пораснаа по неговата изјава, но најновите царини наметнати од Доналд Трамп ја избришаа целата таа добивка.

Од почетокот на новата трговска војна на Трамп минатата недела, Тесла изгуби 20 отсто од својата вредност. Во споредба со највисокото ниво во декември, акциите сега паднаа за 52 отсто.

Тесла со месеци ја мачат проблеми како што се падот на продажбата, слабеењето на профитот и загриженоста поради фактот што Илон Маск поминува се повеќе време во Белата куќа.

Пад на продажбата во Европа

Продажбата на електричните возила на Tesla во Европа драстично опадна, со пад на регистрациите за дури 75 отсто во некои земји помеѓу јануари 2024 и јануари 2025 година, покажуваат новите податоци.

Тој остар пад доаѓа и покрај севкупниот раст на продажбата на електрични автомобили на континентот, што дополнително ја нагласува загубата на доминацијата на Tesla на еден од нејзините клучни пазари.

Пад во повеќето големи европски земји

Инфографикот покажува значителен пад на регистрациите на Tesla во повеќето европски земји: во Шпанија -75%, во Франција -63%, и во Германија -59%. Значителен пад е забележан и во Шведска (-46%), Данска (-41%) и Холандија (-42%). Дури и традиционално силните пазари како Норвешка (-40%) и Обединетото Кралство (-18%) доживеаја значителни загуби.

Овој податок е во согласност со извештаите дека пазарниот удел на Tesla во Европа падна од 18,4% на почетокот на 2024 година на само 7,7% на почетокот на 2025 година. Во јануари и февруари, бројот на регистрации на возила на Tesla се намали за речиси 50%, додека вкупната продажба на електрични возила се зголеми за 31%.

Фото: ЕПА