Министерката Јоксимовиќ: Поради тоа што Албанија и Македонија не добија датум , доцни методологијата за Србија

Добивај вести на Viber

Јадранка Јокџсимовиќ, српската министерка за евроинтеграции, примената на новата методологија за процесот на преговори е одложена, бидејќи земјите-членки и Европската комисија сè уште не можат да се договорат за преговарачките рамки за Северна Македонија и Албанија, што индиректно влијае на преговорите со Србија.

Јоксимовиќ рече дека сега, кога поглавјата веќе не се основен инструмент, потребен е „јасен и прецизен план на европските партнери за критериумите за напредокот на реформите и начинот на кој тие ќе бидат оценувани“.

„Ќе продолжиме да ги спроведуваме реформите што влијаат побрзо на динамиката на преговорите со ЕУ, особено оние од областа на владеењето на правото, односно првиот кластер, од кој се отворени сите поглавја и на кои се работи на усогласување со препораките на ЕУ“, рече таа. 

Како што додаде таа, пред се, станува збор за уставни измени како дел од судските реформи, имплементација на Стратегијата за медиуми, понатамошно унапредување на човековите и малцинските права.

Јоксимовиќ исто така рече дека, кога станува збор за техничкиот аспект на преговорите, тие „проактивно работат“ на прилагодување на сите структури кон новата методологија, „засновани на она што го знаеме засега“.

„Ние се подготвуваме да преговараме на начин најавен од ЕУ, кој треба да го забрза процесот, преку посилен политички надзор и детално спроведување на стратешките планови за реформи, кои се суштината на новата методологија“, рече Јоксимовиќ.

Таа исто така рече дека, од друга страна, е важно членките на ЕУ да покажат поголем ентузијазам за проширување „бидејќи Западен Балкан повеќе не е дел од проблемот, туку решение за постигнување стабилност на самата Унија, особено по Брегзит“.

Како што додаде таа, регионот е исто така дел од решението за надминување на економската и мигрантската криза.