Министерство за здравство: Остануваат повеќе од 30.000 бесплатни вакцини против грип
Објавено во: Македонија 04 Декември, 2020
Бесплатата вакцина против сезонски грип наменета за ризичните групи до вчера ја ја примиле 9.815 граѓани кои закажале термин преку матичен лекар, потврди Министерството за здравство.
Од таму велат дека имунизацијата се одвива согласно утврдените планови, а во согласност со протоколите за временска и физичка дистанца меѓу пациентите што се одвива преку „Мој термин“.
Термините се отвораат секој петок, а од досегашните пријавени 9.815 граѓани, 2.103 се од Скопје. За оваа сезона на грип се набавени 40.000 дози на четири типни вакцини против грип.
Оваа сезона се набавија 12.000 дози повеќе од лани,а бесплатна вакцинација против сезонски грип се врши на шест пункта на ЈЗУ Здравствен дом Скопје.
Се врши и во здравствените домови на 29 други градови, како и во во општите болници во Гевгелија, Дебар и Кавадарци.