Мизо нема проблеми со новата Влада, ги зголемува вработувањата

Добивај вести на Viber

Виктор Мизо, поранешниот долгогодишен прв човек на Дирекцијата за трговско-индустриски развојни зони, како директор на странската инвестиција „Костал“ најави зголемен број на вработувања од Струга и Охрид.

Мизо во времето на претходната власт беше еден од клучните за привлекување странски инвестиции, а со доаѓањето на новата Влада бепе обвинет од вицепремиерот Кочо Анѓупев дека ја злоупотребил функцијата за да си најде работно место во „Костал“.

Сега Мизо најави дека германската компанија за автомобилски компоненти во својот производствен капацитет во Охрид планира во наредната календарска година да вложи дополнителни 18 до 20 милиони евра во нови производствени линии, а бројот на вработени во фабриката од сегашните 322 да достигне над 500.

- Персоналот го креираме преку континуирани обуки на нашите вработени во сопствените фабрики во Германија и Ирска. Во Германија работници за на линија на најмалку четири седмична обука, додека во Ирска во електроника од шест до девет месеци, изјави Мизо.

Во фабриката во поранешно „ЕМО“ се произведуваат модули за речиси сите светски автомобилски компании, односно комплексни производи што подразбираат поквалификуван персонал и технолошки софистицирана опрема.