МНР денеска ќе го кандидира Дане Талевски и други амбасадори
Објавено во: Македонија 12 Декември, 2019
Шефот на македонската дипломатија, Никола Димитров, денеска на владина седница ќе ја достави кандидатурата на досегашниот советник на премиерот Зоран Заев за надворешна политика, Дане Талески, да ја превземе испразнетата амбасадорската позиција во НАТО.
Владата во вторникот брифираше дека Талески е кандидатот кој ќе ја пополни оваа клучна позиција во момент кога земјата наскоро очекува да стане 30. членка на НАТО. Талески, досегашен советник за надворешна политика на премиерот Зоран Заев, наедно е и Национален координатор за НАТО.
На денешната седница треба да се изберат амбасадори за повеќе испразнети позиции. Високи владини извори најавија дека сите предлози за амбасадори се целосно усогласени помеѓу Димитров и претседателот на државата Стево Пендаровски.
Сепак се остава простор непополнети да останат повеќе амбасадорски позиции, од кои некои се стратешки за земјава како таа во Вашингтон. Дваесет и седум амбасадорски места, со тоа во НАТО, за кое денеска треба да се одлучува на владина седница се уште не се пополнети.
Денеска министерот за надворешни работи Никола Димитров на јавна расправа го претстави предлог-законот за надворешни работи, со кој ќе се зголеми процентот на дипломати од кариера на 80 отсто како и материјалната одговорност на дипломатските претставници.