МОН: Старт на годината со многу поевтина цена за учебници
Објавено во: Економија 03 Септември, 2018
Министерството за образование и наука соопшти дека школската година 2018/2019 стартува со поевтини учебници во однос на ланската. Според договорите за набавка на бесплатните учебници со издавачките куќо, тие треба да бидат и поевтини во редовната продажба доколку некој треба да се купи лично.
За оваа учебна година, за разлика од претходните, откупот на потребниот број учебници за потребите на учениците е извршен по намалена цена, а се овозможува набавка на целосно нови комплети учебници за учениците од прво до трето одделение, согласно Законот за учебници за основно и средно образование, што досега не беше пракса, односно во целосен тираж се печатеа само учебниците во кои има содржини кои се пополнуваат со пишување, боење, лепење и сечење, како и учебниците кои беа целосно оштетени и не можеа да се применуваат, тврди Министерството за образование.
Пд ресорот реагираат на медиумските натписи дека е регуларно да се откупува учебници за основно одделение со непосредно склучување договори без оглас, затоа што двете издавачки куќи години наназад го имаат ексклузивното авторско право.
,,Инаку, ваков тип на договори по пат на преговори се склучени и со други 17 издавачки куќи, кои ги имаат откупено авторските права над останатите учебници од кои се учи во основните училишта. Единствената разлика е што оваа година при преговорите со издавачките куќи, постигната е откупна цена која е за 40% пониска во однос на минатите години”, соопшти МОН.