Може ли балкон да биде туристичка атракција?
Објавено во: Стил 15 Април, 2016
Седум балкони од Софија и Варна ќе бидат претворени во туристичка атракција.
Оваа година секој балкон во Софија или Варна може да се претвори во туристичка атракција, под услов да биде вклучен во иницијативата „Балкон турист". Таа се одржува втора година по ред и е под мотото „Нова сезона, нови дестинации". Секој сопственик на балкон или ентузијаст, кој е подготвен да се впушти во невообичаена авантура, може да се регистрира за учество на balkontourist.com до 30 април. Избраните балкони ќе бидат подложени на „целосна промена", исто како лани.
Ќе имаат летна колекција од мебел и додатоци за да се претворат во место за комплетен одмор. Во замена нивните сопственици ќе бидат домаќини на туристи.
