Добивај вести на Viber
Советот на министрите за финансии на земјите- членки на еврозоната ќе ја разгледа можноста за трет спасувачки финансиски пакет за Грција во декември , изјави по завршувањето на денешната седница на советот неговиот претседател Jерун Диселблум , пренесе ИТАР -ТАСС .
„Во декември ќе го разгледаме недостигот во надворешното финансирање на Грција за 2014 година " , рече Диселблум . Според неговите зборови балканската држава ќе има потреба од уште околу 5-6 милијарди евра, освен оние што се веќе договорени, за да успее да го финансира сервисирање на долгот и буџетските потреби до година.
Тој истакна дека Еврогрупата го исклучила како мерка намалувањето на депозитите, што беше спроведено во Кипар, како елемент од третиот спасувачки финансиски пакет за Грција .
Од друга страна пак, претседателот на Европскиот механизам за стабилност и Европскиот механизам за финансиска стабилност Клаус Реглинг изјави дека постојаниот спасувачки фонд за еврозоната во следните неколку недели може да ја префрлин на Грција следната транша од меѓународните кредити , кој е во износ од 1 милијарда евра , соопшти РИА Новости .
Тоа ќе се случи , ако претставниците на „тројката" меѓународни кредитори ја завршат мисијата во Грција и дадат позитивно мислење за спроведените реформи.
Претходно пак Јорг Асмусен, член на Управниот одбор на Европската централна банка истакна дека автоматското предоговарање, познато како роловер на долгот, не е варијанта за покривање на недостигот од шест милијарди евра за Грција.
„Треба да пронајдеме начин да ја затвориме таа дупка во финансирањето и нема апсолутно никаков начин тоа да биде направено преку автоматско предоговарање со обврзници или со друг инструмент, кое би довело до парично финансирање. Тоа не е можно за ЕЦБ и целата еврозона“, дециден е Асмусен.