На изборите во Хрватска победи ХДЗ
Објавено во: Балкан 12 Септември, 2016
Хрватската демократска заедница (ХДЗ), победи на вонредните парламентарни избори во Хрватска.
Партијата освои 61 мандат во хравтскиот Сабор, народната коалиција која ја предводи СДП освоила 54 мандати, трет е МОСТ со 12, а осум мандати, освоил Живиот ѕид.
Деветтите парламентарни избори не донесоа ништо ново на политичката сцена во Хрватска. Како што најави лидерот на ХДЗ, Андреј Пленковиќ веќе в понеделник ќе биде формирана платформата за постизборни преговори околу формирањето на новата влада.
Се очекува важна улога за формирањето на новата колациона влада да одигра партијата МОСТ, а нејзиниот лидер Божо Петров засега не се изјаснил со кого ќе коалицира.
Претставниците на Жив ѕид изјавија дека тие нема да бидат дел од власта без оглед на тоа кој ќе ја формира владата.