Над 70 илјади денари донирани за кампањата „Засади Воздух“ на Skopje Run 10K
Објавено во: Мои пари 25 Декември, 2019
Околу 2.000 тркачи излегоа на бул. Илинден во Скопје на Skopje Run 10K. На трката се срушија 3 рекорда и тоа државниот рекорд на 10 километри улична трка во машка категорија, државниот рекорд на 10 километри улична трка во женска категорија и рекордниот број на пријавени на Skopje Run 10К, докажувајќи дека здравјето и спортскиот начин на живеење се значајна цел во нашето општество.
Тоа не беа единствените пораки и голем број на луѓе ја покажаа својата хуманост вклучувајќи се и донирајќи за #ЗасадиВоздух. За кампањата беа собрани точно 76.440 денари.
Со тие средства беа набавени 126 садници од повеќе видови и се пренесе дека свесноста за нашата екологија е голема и голем број на луѓе се грижат за подобра животна средина. „Апсолутно среќни и горди на секој еден од Вас кој преку купување маичка од трката или независно од тоа, во кутиите за донација даде свој придонес за нашата мини акција за собирање средства за купување дрвца за пошумување. Иако е само мал чекор од наша и Ваша страна, секое дрвце се брои. Ова најдобро го знаат тркачите и атлетичарите кои тренираат секојдневно надвор, на отворено, без оглед на условите.“, рекоа од тимот на Skopje Run 10K, Сојуз на спортови на Скопје, и со многу емоција ја пренесоа својата благодарност кон сите кои помогнаа.
Skopje Run 10К, ЈП Паркови и зеленило и Град Скопје денес ги посадија садниците од #ЗасадиВоздух.
Акциите ќе продолжат и во иднина.
Можеби ќе ве интересира
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
