Награда за животно дело „Гемиџии" за 2020 за проф. д-р Сашко Јовев
Објавено во: Македонија 05 Ноември, 2020
На предлог на Комисијата за општествени дејности, Советот на Општина Велес донесе одлука наградата за животно дело „Гемиџии" за 2020 гпдона да му ја додели на проф. д-р Сашко Јовев за првата трансплантација на срце во земјава. Наградата ќе му биде врачена на свечена седница на Советот на Општина Велес по повод 9 Ноември – Денот на општината.
Поради состојбата со Ковид-19, за првпат оваа награда ќе се додели онлајн.
Д-р Јовев беше дел од докторскиот тим кој за прв пат во Макеоднија трансплантираше срце од починат дарител. Тој вели дека трансплантацијата била круна на кардиохирургијата.
Додека бил на субспецијализација докторот три години работел на Универзитетската клиника во Франкфурт, на Универзитетската клиника во Цирих кај светски познатиот проф. Турина, на Универзитетската клиника при Бен Гурион Универзитетот во Бершева, Израел, на Универзитетската клиника Св. Екатерина во Софија кај проф.Чирков. Понатаму, две ипол години работел на клиниката за кардиоторакална хирургија Сабах Ал Ахмед во Кувајт која е со Канадска лиценца за работа. Во Германија и Швајцарија присуствувал на овој тип на интервенции, трансплантации.