Најавите на Владата за неплаќање паушал не ги „стоплија“ редовните демонстранти

Добивај вести на Viber

Најавите на Владата дека со законски измени ќе се најде решение за исклучените од парно не делуваа убедувачки за групата на граѓани кои како со година така и денеска продолжија со своите протести против плаќањето на паушал за топлинска енергија иако не користат никакви услуги на снабдувачот.

Тие најавија дека ќе продолжат со протестите се додека не биде објавен новиот предлог закон за енергетика каде се вклучени конкретните измени кои нудат решение за нивниот проблем кој според нив треба да се решава и со подзаконски акти.

Вчера од Владата посочија дека домаќинствата кои се исклучени од  мрежата во 2018 година ќе бидат ослободени од плаќање на надоместокот кој во моментов го исплаќаат.  Проблемот со кои се соочуваат граѓаните ќе се решава со подзаконски акти во новиот предлог закон за енергетика.

Ваквите најави следуваат откако Уставниот суд донесе нова одлука да не ја прифати иницијативата на граѓаните кои не користат градско парно да не плаќаат паушал. 

Во моментов околу 12 илјади домаќинства кои се исклучени од мрежата плаќаат месечен надоместок од 500 до 1200 денари во зависност од големината на станот.