НАЈМАСОВНИТЕ ПРОТЕСТИ ПО „ПЛИШАНАТА“ РЕВОЛУЦИЈА, Словачка на нозе по убиството на истражувачкиот новинар и неговата вереница
Објавено во: Балкан 09 Март, 2018
Десетици илјади луѓе се собраа ширум Словачка, да го изразат својот револт и да побараат темелна истрага за случајот со убиството на истражувачкиот новин Јан Куцијак и неговата девојка.
Демонстрантите барале и промена на владата. Протестите се одржале во Братислава, во други десет градови низ Словачка, како и во други земји.
Ова се најголемите и најмасовните протести во Словачка уште од „Плишаната револуција“, 1989 година, која доведе до распаѓање на комунистичкиот режим.
Организаторите на протестите побараа да се вклучат и странски експерти во истрагата на убиството на новинарот, а бараат и нова истрага и без луѓе поврзани со организиран криминал и корупција.
Премиерот на Словачка, Роберт Фицо, претходно изјави дека Џорџ Сорос можеби бил вмешан во протестите ширум Словачка по убиството на Куцијак и неговата вереница.
Тој, исто така рече дека има информации дека на протестите може да се појави и насилство.
Фицо, претседателот на Словачка, Андреј Киск и претседателот на словачкиот парламент Андреј Данко не успеале да се договорат околу заедничката декларација со која би се смирила ситуацијата во Словачка по смртта на новинарот.
По состанокот на тројцата словачки функционери, Данко рекол дека не можеле да се договорат околу едниствената верзија на говорот.
На протестите ширум земјата, демонстрантите побараа детална истрага за убиството на Куцијак и неговата вереница, кои беа убиени на 25 фебруари во нивниот стан.
Пред да биде убиен, Куцијак работел на случај поврзан со влијанието на италијанската мафија во Словачка како и можните врски на мафијата со блиски соработници на Фицо.
Ројтерс пренесува дека Фицо највал средба со коалиционите партнери на којашто ќе разговараат за ситауцијата со убиствата.