НАЌЕ ЧУЛЕВ НА ГОСТИ КАЈ МИТКО ЈАНЧЕВ - се обновува ли старата партиска врска
Објавено во: Македонија 03 Јули, 2020
Се доближува ли повторно кавадаречкиот градоначалник Митко Јанчев до актуелното раководство на ВМРО-ДПМНЕ.
Денеска на гости вo oпштина Кавадарци дојде техничкиот министер за внатрешни работи, кој во Владата е од редовите на ВМРО-ДПМНЕ, и е човек од доверба на сегашните први луѓе на сега опозициската партија.
Јанчев преку фејсбук соопшти дека Чулев бил во посета на Кавадарци, каде разговарале за актуелни теми.
„Денес во посета на Општина Кавадарци беше техничкиот министер за внатрешни работи г-дин Наќе Чулев. Министерот откако беше на терен низ град Кавадарци , го посети и кабинетот на Градоначалник м-р Митко Јанчев. На средбата се разговараше за актуелните теми кои го засегаат граѓанското општество како и за состојбата во која се наоѓа Општина Кавадарци. Министерот се запозна и со реализираните проекти на општината кои се однесуваат на безбедноста на граѓаните.
А од фотографиите што ги сподели Јанчев на фејсбук, може да се види дека атмосферата меѓу нив двајца е исклучително пријателска, што може да се забележи од нивните насмеани лица на фотографиите.
Дали ова значи дека Јанчев, чии односи со раководството на ВМРО-ДПМНЕ, особено со лидерот Христијан Мицкоски, претходно беа исклучително оладени, а за него во партијата тврдеа дека се зближил со ривалската СДСМ, сега повторно се затоплени, е прашањето што се поставува. И дали ова им оди во прилог на шпекулациите кои се појавија во јавноста деновиве, а тие се дека Јанчев на претстојните парламентарни избори ќе и даде поддршка на својата матична партија, ВМРО-ДПМНЕ, од која никогаш не ни излезе, туку само беше исклучен од нејзините раководни органи.
Прочитајте го интервјуто на Митко Јанчев за Фактор дадено на 4 октомври 2019 година.
Можеби ќе ве интересира
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
Крмов од Велес: Велешани ја препознаваат Левица како единствена опција која потекнува од народот
ИМА НЕДВИЖЕН ИМОТ НА СВОЕ ИМЕ, ДОСЕГА Е НЕОСУДУВАН... - од Врховен суд ги изнесоа причините зошто не треба затворски притвор за таткото на Вања
„АКО СЕ БИДЕ ВО РЕД, ВО ИДНАТА ВЛАДА ЌЕ БИДАТ ЗАЕДНО ВМРО-ДПМНЕ И ЗНАМ“ - новинарот Латас со прогноза
Левица во Битола оддаде почит на загинатите бранители во Вејце
