Направи добро дело и продолжи понатаму
Објавено во: Мои пари 27 Април, 2018
По иницијатива и во организација на женската хуманитарна организација Inner Wheel Club Skopje Europea, на 28 април Македонија по втор пат се приклучува во најголемото хумано движење во светот наречено “Pay It Forward” (Продолжи понатаму).
Целта на движењето е да се поттикнат повеќе од 10 милиони чинови на добрина во светски рамки!
Pay It Forward функционира на начин што поттикнува да направите неколку добри дела за различни луѓе и од нив да не барате ништо за возврат односно единствено треба да побарате и тие понатаму да направат неколку добри дела за други луѓе. При тоа, на оној за кој сте направиле добро дело му давате картичка која тој понатаму ја дава на оној за кој ќе направи добро дело, така што таа картичка патува помеѓу луѓето со секое направено добро дело. Патот на картичката нема конкретна патека, ниту правила кога и каде треба да оди или да заврши. Се зависи од добрата волја на луѓето и нивната желба за хуманост и љубезност.
Истовремено и на истата локација во организација на Аутизам МК / Autism Awareness MK се организира настан со кој се заокружува месец април како месец посветен на подигнување на свеста за аутизмот како една состојба различна но сепак слична. Лицата со аутизам бараат прифаќање, почит, љубов, дружење и инклузија.
Дојдете да се забавуваме, да се дружиме, да уживаме во магијата на сплотеноста.
Продолжи понатаму!!!