Не очекуваат тропски горештини

Добивај вести на Viber

Трендот на многу високи температури според податоците на УХМР ќе продолжи и во текот на наредните денови. Ова утро под влијание на поле на висок воздушен притисок во Македонија ќе имаме сончево и топло утро со температури кои што се над просечните за овој период од годината. 

Во Македонија денес ќе биде вистински тропски ден, со претежно сончево и многу топло. Ќе дува доумерен слаб северозападен и североисточен ветер кој што локално ќе достигнува брзина и до 15 км/ч. Утринските температури од 13 до 22 степен, додека пак максималните дневни температури ќе се движат во интервал од 30 до 39 степени. УВ индексот ќе има вредност 8. 

Во Скопје денес ќе имаме вистински тропски ден, ќе биде сончево и многу топло. Ќе провејува многу слаб северен ветер. Утринската температура ќе изнесува 19 степени, додека пак максималната дневна ќе достигне до 37 степени. УВ индекс 8. 

Во вторник во Македонија не очекува уште еден тропски ден, сончево и многу топло време со максимални температури од 28 до 39 степени. Во среда и четврток сончево и топло време со благ пад на температурите, утринските од 10 до 20 степени, додека пак дневните од 27 до 38 степени. Во петок сончево и многу топло време и повторно пораст на температурите, утринските од 11 до 21 степен, додека пак максималните од 29 до 40 степени.