НЕ ПРЕТРКАА СЛОВЕНЦИТЕ И ХРВАТИТЕ: Како Форбс ја оцени Македонија за водење бизнис?

Добивај вести на Viber

За водење на бизнис Македонија е на 63-то место според американското списание Форбс. 

Истражувањето опфаќа 153 земји во светот. Ако се спореди до резултатите од лани, Македонија назадува затоа што во 2016 година од 139 земји, земјава беше на 35-то место. Во однос на година пред тоа Македонија имаше скок за две места. 

На прво место е Велика Британија. Таа е најдобра земја за бизнис во светот за оваа година, и покрај несигурноста која се создаде по Брегзит. 

Втората најдобра земја за бизнис е Нов Зеланд, трета е Холандија, Шведска е на четврто место, а  петта држава е Канада.

Во регионот, најдобро рангирана е Словенија (32), Хрватска е  51-та, Црна Гора е на 68 место, Србија на 69-то место, Албанија е на 71 и Босна и Херцеговина на 97-то место.

Последна земја на 150 место е Авганистан, Хаити (151), Гамбија (152), Чад (153).

Форбс зема во предвид 15 различни сегменти на развој на бизнисот, вклучувајќи ги и даноците, лична и економска слобода, бирократија, правата на сопственост, иновации, корупција, технологија, трговска и монетарна слобода и заштита на инвеститорите.

Инаку, лани првото место го држеше Шведска.