НЕ СЕ ГУШИ САМО МАКЕДОНИЈА: Србија и Бугарија пред нас на листата-Софија веќе има мерки
Објавено во: Македонија 18 Декември, 2019
Не е загадено само во Македонија, иако овој факт кој со години се тлее и турка под тепих не треба да значи дека мерките не треба да бидат преземени секогаш во ситуации на енормна загаденост и мерни станици кои превртуваат.
Сепак, на утринската листа загадени градови или држави сеедно, пред нас се и Србија и Бугарија.
Специјализираниот сајт „Ер вижуал“ кој го мери загадувањето на воздухот Белград и Софија ги закотви на листата во десетте најзагадени градови во светот.
Заедно со нив се градови од Пакистан, Индија, Авганистан а Кабул е прв најзагаден град моментно во светот.
Имено, утрово Битола беше градот кој го држеше рекордот на најзагаден град во земјава. Во моментов тешко се дише и во Кичево, Гостивар, но и Кочани, Тетово и Кавадарци.
Она што ни падна во око утрово е дека соседите ги преупредиле граѓаните дека воздухот во Софија ќе биде исклучително загаден. Тамошните власти ги повикаа граѓаните да ги остават автомобилите дома и да го користат јавниот превоз.