НЕ ТРГНУВАЈТЕ ЗА СРБИЈА И ЦРНА ГОРА БЕЗ ПЦР ТЕСТ - тој не е потребен само за Косово

Добивај вести на Viber

Синиќа доцна вечерта Владата испрати ново соопштение, различно од претходно, со кое извести дека наместо слободно патување без ПЦР тест кон сите соседни земји, сепак, неопходните ПЦР тестови ќе продолжат да важат за Србија, Црна Гора и БиХ, освен за Косово. 

Како причина се наведува влошената епидемиолошка состојба во регионот со ковид 19.

Всушност, ова следува откако Србија, Босна и Херцеговина и Црна Гора ја известиле македонската Влада дека поради новиот бран на корона вирусот кој ја погоди земјава, границите на овие држави за македонските граѓани ќе останат затворени, односно преку нив ќе може да се помине само со негативен ПЦР тест кој не е постар од 48 часа. 

„Владата на Република Северна Македонија ги известува граѓаните дека согласно влошувањето на состојбата со КОВИД-19 пандемијата во регионот и големиот број на нови позитивни случаи, влезот на македонски граѓани во Србија, Црна Гора и Босна и Херцеговина нема да биде дозволен без приложување негативен ПЦР тест кој не е постар од 48 часа од моментот на влез во овие земји“, соопшти Владата вчера во доцните вчерни часови.

Можноста за влез на македонски државјани во Косово без ПЦР тест останува, но Владата апелира до граѓаните да не патуваат надвор од земјата доколку немаат неодложна потреба за тоа.

Владата и здравствените власти, согласно новонастанатата епидемилошка состојба во регионот, во деновите кои следат ќе ја ревидираат одлуката за влез на државјани на Косово, Србија, Црна Гора и Босна и Херцеговина во Северна Македонија, без ПЦР тест.