НЕМА ДА ИМ ДАВА ГОТОВИНА: Германија сака да го обесхрабри доаѓањето на бегалците
Објавено во: Економија 12 Април, 2024
Германија сака да го обесхрабри доаѓањето на бегалците, така што ќе им дава банкарски картички, а не готовина. Тоа е со цел да спречи трансфер на пари во странство или исплата на шверцери на луѓе. Целта е бегалците да не праќаат пари на членови на своите семејства.
Германскиот парламент Бундестаг денеска одлучи дека во иднина на бегалците повеќе нема да им се исплаќа готовина за трошоците за живот, туку ќе им издава банкарски картички.
„Можете да платите за стоки и услуги со платежна картичка, но можноста за подигање готовина е ограничена и зависи од специфичните потреби“, рече министерката за внатрешни работи Ненси Фезер (Социјалдемократската партија на Германија СПД).
Претставниците на најголемиот опозициски претставнички клуб на Унијата на ЦДУ/ЦСУ гласаа против воведувањето на платежната картичка бидејќи според нив мерките „не одат доволно далеку“. Христијанско-демократската унија побара месечниот износ на подигнување готовина да биде ограничен на 50 евра.
Германскиот канцелар Олаф Шолц во 2023 година изјави дека целта на неговата влада е да се намали „нередовната миграција“ и да се зголеми бројот на депортации. Голем број Сиријци, Украинци и лица од други земји престојуваат во Германија.