НЕМА ДА ВЕРУВАТЕ: Десетици милиони луѓе ќе бидат погодени од поплави
Објавено во: Свет 15 Јануари, 2018
Во следните 2.5 децении, десетици милиони луѓе ќе бидат изложени на поплавите предизвикани од глобалното затоплување, предупредуваат научниците во рамки на студија објавена во списанието, Science Advances.
Со зголемувањето на температурите на планетата, бурите и обилните врнежи од дожд ќе бидат многу посилни во многу делови од светот. Ќе има значително зголемување на ризикот од поплави кои не се поврзани со зголемувањето на глобалните нивоа на океанот. Ќе треба да се преземат мерки за заштита на населението од Централна Европа, Централна и Северна Америка, Кина, Индија, Пакистан и Африка.
„Сè што ќе се случи по овие 25 години зависи од она што ќе го сториме денес“- вели Андерс Леверман, кој е еден од авторите на студијата.
Во САД и во Канада 100.000 до 1 милион луѓе живеат во ризични области, а во Кина нивниот број е 55 милиони. Научниците се задржале на период од 25 години затоа што велат дека потоа ќе биде доцна да се преземат мерки за климатските промени.
Вакви прогнози имало и претходно од различни научници.