Добивај вести на Viber
Се стопија илузиите на Хрватите дека членството во ЕУ ќе им донесе подобар живот, пишува Новости анализирајќи ги случувањата во земјата по 100 дена од влезот на земјава во Унијата. Според Новости, Хрватите веќе знаат дека членството за 2014 ќе ги чини повеќе отколку што ќе добијат од фондовите на Унијата.
„Првите сто“ за Хрватска биле поразителни. Донесена е одлука за конечна распродажба на Хрватска, лекарите се во најголемиот штрајк во историјата и поради тоа се откажани 4.000 операции, со чекан се скршени двојазични плочи поради кирилицата , пред Европа Загреб се покажал како неуверлив особено по срамниот маневар веќе усогласениот закон со европската пракса да се менува три дена пред влезот во ЕУ.
По крахот со „лекс Перковиќ“ Хрватска ги заострува односите со Унгарија, барајќи да биде уапсен првиот човек на МОЛ- Золт Хернади, кој не се јавил на судски повик како сведок. Од намалување на цените на храната нема ни збор, а образованите луѓе забрзано ги пакуваат куферите и планираат заминување во светот додека земјават има рекордни дефицити и целосна дупка во буџетот, пишува весникот.
Песимизмот расте, а малкумина и веруваат на владата и политичарите, се додава во Новости и се појаснува дека од сите фрази за подобар живот во ЕУ, кои се провлекувале во долгите години преговарање со Брисел, не останало ништо и Европската Унија не се ни спомнува, а малку кој се сеќава на огнометот кој на 1 јули ја внесе дваесет и осмата ѕвездичка во европското семејство.
Како голем проблен се посочува и ескалацијата на насионализмот, а повторно на ТВ екраните се зборува дека преостанатиот грст Срби се најголемиот хрватски проблем. Наместо да се разговара за проектите кои Европа би можела да ги поддржи, се се враќа на старите поделби и омрази, а политиката, наместо да го гаси огнот, долева бензин, ги анализира весникот првите 100 дена Хрватска во ЕУ.