Немирите во Египет продолжуваат, уапсен е лидерот на „Муслиманските браќа”

Добивај вести на Viber

Соборениот диктатор Хосни Мубарак може да биде ослободен од затвор уште оваа недела, а денес беше уапсен високиот лидер на исламистичкото движење „Муслимански браќа" Мохамед Бадие. Овие два настани го зајакнуваат чувството дека Египет се врти во круг, и единственото сигурно е дека насилството тешко ќе биде суспендиран, а стабилноста изгледа далеку, пишуваат светските медиуми. Апсењето на 70-годишниот Мухамед Бадие, кој го предводи Генералното извршно биро на братството од 2010 година и се јавува главен идеолог на движењето, се гледа како последователен чекор во обидите на властите во Каиро да победат во протестите против симнувањето на претседателот Мохамед Морс. Според податоци на египетската државна новинска агенција Бадие бил откриен денеска рано во стан во населба во североисточно Каиро, која се наоѓа во непосредна близина на плоштадот кој до минатата среда беше заземен од поддржувачи на соборениот претседател. Тогаш војската се замеша и употреби прекумерна сила врз демонстрантите каде беа убиени над 200 луѓе. Оттогаш во судири загинаа над 900 лица, меѓу кои и 38-годишниот син на Бадие, Амар. Самиот исламистички лидер се криеше од минатата недела. Не е исклучено апсењето да помогне само за дополнителна радикализација и до зголемување на насилството. Според Шашанк Џоши од лондонскиот „Royal United Services Institute“ сега работите се комплицираат дополнително. "Битката против братството се повеќе се претвора во борба против сите исламистички движења во Египет, а не само против една политичка партија", вели  Џоши за британската БиБиСи. Првите денови по соборувањето на Морси, Бардие беше меѓу најактивните гласноговорнициво Каиро, но откако во средината на минатиот месец беше издадена наредба за негово апсење, тој се повлече. Пред судот треба да се појави на 25 август со обвинение за поттикнување насилство што довело до убиство на осум демонстранти. Американските медиуми јавуваат дека во меѓувреме владата на претседателот Барак Обама запрела дел од армиската помош за Египет додека разгледува како да одговори на растечкото насилство. Според  портпаролот на сенаторот Патрик Лехи, потврдил дека на сенаторот му било потврдено дека помошта запрела.   Владата на Обама веќе најави дека ќе ја ревидира американската политика да го помага Египет со 1,5 милијарди долари годишно.  За прекинување на помошта за Египет деновиве размислува и Европската унија.