НЕЗАПАМТЕНА ТРАГЕДИЈА: МВР со детали за семејното недоразбирање кое заврши со тројно убиство во Глумово
Објавено во: Македонија 26 Јуни, 2017
Во Скопје вчера се случи тројно убиство а убиецот изврши самоубиство.
Откако веста се прошири низ јавноста, после неколку часа и МВР соопшти официјални информации.
Се се случило утрото околу 10 часот кога лицето Ш.С.(48) од село Глумово со пиштол извршил убиство на три лица а едно лице помина со повреди и е пренесено во скопските клиники.
Сторителот според МВР пукал во три лица на ул.„П.Гиновски“. Од нив две починале, М.С. (33) и А.С. (20), двајцата од с.Глумово, додека третото лице, чиј што идентитет се уште е непознат, е рането и е пренесено на болничко лекување.
После тоа, сторителот заминал во с.Глумово каде што пукал во лицето А.Б.С. (56) од
с.Глумово, кое исто така починало.
При обидот убиецот да биде приведен си пресудил на себе и се самоубил.
Тројното убиство го извршил со пиштол Астра А-80, кој е подигнат за вештачење.
Според првичните информации од истрагата причина за немилиот
настан се семејни недоразбирања.
Сторителот, тројцата убиени и повреденото лице се членови на едно семејство, односно се вујкото си ги уби двајцата внуци и братот.