Никна новата монтажна болница до Инфектвна
Објавено во: Македонија 03 Мај, 2020
Никна новата монтажна болница до инфективната клиника. Наскоро овој простор треба да ја добие и новата оптрема.
Видеото од целиот процес на поставување до новиот изглед на овој објект го објави министерот за здравство Венко Филипче на својот фејсбук профил.
„Го поставивме системот со модулите во модуларната маневарска болница до инфективната клиника. За најкраток временски рок ги дуплиравме капацитетите на установата. Со финансиска поддршка на Швајцарската амбасада набавивме и поставивме ‚монтажни модули', каде се сместени простории за болнички кревети, амбулантски и тријажен простор, соби за одмор на персонал, тоалети за пациенти и персонал, гардеробери и соби за состаноци. Целата оваа структура ја поврзавме со „топла врска“ со зградата на инфективната клиника, а во периодот кој следува ќе ја доопремиме и со потребната немедицинска опрема. Ја амортизираме евентуалната оптеретеност на Клиниката и даваме можност на медицинскиот персонал соодветно да ги распореди сопствените ресурси во борбата за превенција и заштита од коронавирус“, напиша Филипче.
Погледнете го видеото.
https://www.facebook.com/filipce.venko/videos/637087303507023/