Нинџа сам се предаде во судот
Објавено во: Македонија 11 Јуни, 2018
Александар Василевски Нинџа сам отишол во Кривичниот суд и се пријавил по неколку месеци бегство и бил пренесен во истражниот затвор Шутка.
Нинџа е еден дд обвинетите за крвавиот упад во Собранието на 27 април. Според обвинителството, тој мобилизирал луѓе и потоа им делел фантомки за да го заштитат идентитетот. Екипирањето Нинџа го започнал откако добил повик од Виена. Случајно или не, во Австрија на службен пат на 27 април лани беше тогашниот претседател на ВМРО-ДПМНЕ, Никола Груевски.
Според обвинителството, на Нинџа му се јавил неговиот брат како еден од телохранителите на Груевски, кој го потврдил разговорот но рече дека во него тие зборувале чисто семејно.
Инаку, пред Василевски, сам се предаде и неговиот другар, Никола Митревски Кољо, кој беше во бегство откако обвинителството за организиран криминал започна со истрага за „крвавиот четврток“ на 27 април лани.