НОВ ГАФ НА ТРАМП: Израел е дел или не од Блискиот Исток?
Објавено во: Свет 23 Мај, 2017
При посетата на Израел, американскиот претседател, Доналд Трамп во Ерусалим покажа непознавање на географија.
Тој пристигна во Израел од Саудиска Арабија, каде одделно ќе се сретне со израелскиот премиер Бенјамин Нетанјаху и палестинскиот претседател, Махмуд Абас во обид за заживување на мировниот процес.
Но, како што на Твитер пренесе Грег Карлстом, новинарот на британските весници Тајмс и Економист, Трамп при неговото обраќање за медиумите, пред средбата со израелскиот претседател Рувен Ривлин му се испушти да каже дека тој и неговата придружба „штотуку се вратија од Блискиот Исток“.
Сепак, Израел е дел од Блискиот Исток. Новинарите во негативна конотација го коментираа овој гаф на Трамп.