НОВИ ЦЕНИ НА ГОРИВАТА: Бензините надолу, а дизелот и екстралесното поскапуваат за по еден денар
Објавено во: Економија 27 Септември, 2021
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за еден денар за литар, додека малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за еден денар за литар.
Малопродажната цена на Мазутот М-1 НС се зголемува за 0,599 денар/килограм и сега ќе изнесува 39,780 ден/кг.
Од 28.9.2021 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС - 95 72,00 (денари/литар)
Моторен бензин ЕУРОСУПЕР БС -98 74,00 (денари/литар)
Дизел гориво ЕУРОДИЗЕЛ БС (Д-Е V) 63,00 (денари/литар)
Масло за горење Екстра лесно 1 (ЕЛ-1) 65,00 (денари/литар)
Мазут М-1 НС 39,780 (денари/килограм)
Во изминатиот седумдневен период референтни цени на светските берзи во просек бележат намалувањесамо кај бензинотза 3,175 отсто, додека кај останатите е регистрирано зголемување и тоа кај дизелотза 1,873 отсто, кај екстра лесното масло за 1,964 отсто и кај мазутот за 1,141 отсто.
Во истиот период курсот на денарот во однос на доларот е повисок за 0,722 отсто.