Новинарите и другите вработени од 1ТВ заминуваат на колективен, принуден одмор
Објавено во: Македонија 24 Јули, 2019
1ТВ вечерва за последен пат емитуваше централно издание на дневникот.
Новинарите и другите вработени од 1ТВ заминуваат на колективен, принуден одмор.
Новинарката Кристина Атовска изјави дека вечерашниот дневник можеби е последниот кој се емитувал на 1ТВ.
„Можеби ова е последниот дневник кој го гледате. Случувањата поврзани со Бојан Јовановски влијаат на медиумот. 1ТВ беше мета на лажни вести за да се дискредитира новинарскиот кадар. 1ТВ во иднина може да биде остварување на професионалните планови на новинарите. Новинарскиот кадар на 1ТВ е горд што докажа дека и покрај штетата што си ја нанесуваат на себе, постојат луѓе кои ги бранат новинарските стандарди и новинарската професија. Да се надеваме дека ова не е одјава, туку свеж почеток за рестартирање на 1ТВ“, кажа уредничката на вечерашните вести.
Случајот „Рекет“ како што беше кажано влијаел врз работата на телевизијата.
Како сопственик на телевизијата се претставуваше Боки 13 кој е уапсен и осомничен за случајот „Рекет“ што го отвори Обвинителството за гонење на организиран криминал и корупција.