Обвинителството во Франција со детали за пожарот во „Нотр Дам“: Еве кои се можните причини
Објавено во: Свет 27 Јуни, 2019
По два месеци од пожарот во Катедралата „Нотр Дам“ во Париз, Јавното обвинителство ги соопшти можните причини за пожарот.
Тие ја отфрлија можноста за смислено подметнување на пожарот. Според нив неизгасната цигара или дефекти во електричната инсталација се можни причини за избувнувањето на пожарот во Богородичната црква.
Сеуште не е утврдена точната причина за избувнувањето на пожарот, но според француските истражни органи најверојатно се работи за неправилно функционирање на електричниот систем или оган предизвикан од неизгасната цигара.
Обвинителството ги отфрла теориите за намерно подметнување на пожарот во „Нотр Дам“, бидејќи такви докази не се пронајдени.
Во текот на истрагата за причините биле сослушани околу стотина сведоци, се посочува во соопштението.
Пожарот Избувна во април, во време кога во катедралата се вршеле
реставраторски работи.
Прв осомничен за избувнувањето на големиот пожар, кој уништи голем дел од катедралата беше Жулијен Ле Бра кој е сопственик на мала занаетчиска компанија која работела на реконструкција на црквата.