ОД МНОГУ ВИСОКА ТЕМПЕРАТУРА ДЕЦАТА МОЖЕ ДА ПОМОДРАТ И ИМААТ ПРЕКИН ВО ДИШЕЊЕТО: Што е фебрилен грч, совет до родителите што да прават

Добивај вести на Viber

Лекарката од Итната помош во Србија, Наташа Босиљчиќ изјави дека децата до четири години може да добијат фебрилни конвулзии, односно грч поради високата температура, што е состојба на детето која на родителите им изгледа многу драматично бидејќи детето помодрува и има прекини со дишењето на неколку секунди.

Тоа не се вистински епилептични напади, детето брзо се враќа, но треба да се повика брза помош, изјави Босиљчиќ.

Во последно време има родители чии деца наеднаш добиваат многу висока температура, а д-р Босиљчиќ ги советуваше сите родители доколку детето добие температура до 38,5, да не даваат лекови.

„До 38,5 родители можат да го изладат детето, сите топли делови од телото, само со обична вода, вклучувајќи ја и главата. Не мора да се користи алкохол“, истакна Босиљчиќ.

Според неа, температурата кај децата повисока од 38,5 треба да се намали со парацетамол или бруфен во доза по килограм што се означени на пакувањето.

Во однос на состојба на фебрилен грч поради многу висока температура, таа сепак потенцира дека оваа состојба и не е толку опасна како што изгледа, бидејќи не се работи за вистински епилептичен напад. Но, треба да се повика брза помош.

„Во овие ситуации детето брзо закрепнува, најчесто со штипкање за образите или тресење на детето. Родителите кои биле сведоци на фебрилни конвулзии знаат дека вистинскиот лек е диазепам ректиола“, вели д-р Босиљчиќ.