Од регулатор до директор на МЕПСО: Прекршочна за директорот Рамадани
Објавено во: Македонија 19 Февруари, 2021
Да се поведе прекршочна постапка за новиот директор на МЕПСО, Куштрим Рамадани изгласа денеска Државната комисија за спречување на корупција. Пријавата следеше откако ДКСК испитуваше судир на интереси кај Рамадани кој пред да седне во директорската фотелја во МЕПСО беше член на Регулаторната комисија за енергетика.
„Предлагаме да се поведе прекршочна постапка против службеното лице Куштрим Рамадани, согласно членот 105 став еден алинеја седум во однос на членот 47 став 2 алинеја три од Законот за спречување корупција и судир на интереси, рече Билјана Ивановска претседателката на ДКСК.
Рамадани е кадар на ДУИ, а кон крајот на минатата година Надзорниот одбор на МЕПСО го избра за директор на компанијата иако тој беше потпретседател на РКЕ
Мислење од Антикорупциската комисија, како што беше објавено, побарал лично премиерот Зоран Заев, на работна средба одржана на 23 октомври.
„Претседателот
и членовите на РКЕ, во рок од две години по престанувањето на вршењето на
јавните овластувања и должности, не можат да бидат именувани како членови на
орган на управување на вршителите на регулирани енергетски дејности како и на
вршителите на енергетски дејности на кои што им е наметната обврска за
обезбедување на универзална, односно јавна услуга со оглед на надзорната
функција која ја има РКЕ врз овие тела, стои во мислењето на Антикорупциска испратено до
Владата.