ОХРИДСКА БАНКА СОСИЕТЕ ЖЕНЕРАЛ главен спонзор на 57 издание на Охридско лето

Добивај вести на Viber

Традиционално, и оваа година, Охридска банка Сосиете Женерал е поддржувач на една од најзначајните културни манифестации во земјата - Охридско лето, одбележје на градот Охрид. 

Веќе низа години, Охридска банка Сосиете Женерал е една од најголемите поддржувачи на Охридско лето, како манифестација која нуди врвна и уникатна уметничка програма и ги издигнува културните вредности на едно повисоко ниво и нуди програма која изобилнува со врвна уметност. 

Охридско лето, за Банката е многу повеќе од традиција. Следејќи ја глобалната стратегија на Сосиете Женерал, оваа година Банката, освен како поддржувач на 57. издание на фестивалот Охридско лето, се јави и како поддржувач на неколку други значајни музички и културни настани во земјата, како Француски филмски фестивал, спектакуларната претстава „Пиксел“, во кореографија на Мурад Мерзуки од Франција како дел од познатиот „Танц Фестивал“, како и поддршка на македонскиот виртуоз на виолина, младата виолинистка Ева Богоевска. 

Како општествено одговорна компанија, Охридска банка Сосиете Женерал активно учествува во промоцијата на вистинските вредности преку зачувување на традицијата, преку афирмација на културата, уметноста и музиката.