Османи кажа за што разговараат со Бугарија
Објавено во: Македонија 25 Ноември, 2020
Кај власта има оптимизам дека ќе се најде решение со Бугарија.
Македонскиот шеф на дипломатијата, Бујар Османи вели дека е во комуникација и со неговата колешка Екатерина Захариева.
„Главно зборуваме во однос на загриженоста за територијални претензии, во однос на малцинствата, работата на Историската комисија, за економските односи, инфраструктурните односи и говорот на омраза“, изјави Османи.
Според него, Бугарија не ни го спори македонскиот идентитет и јазикот, а историчарите се близу до решение и за идентитетот на Гоце Делчев. Вели дека официјално нема медијатори за двете држави да најдат заеднички јазик, но најангажирана е германското претседателство.
„Треба да се поздрави што не спори никакви идентитетски прашања, исто така прашањето за Гоце Делчев е отворено во комисиите и разликите се веќе во нијанси“, изјави Османи.
Европратеникот пак Андреј Ковачев во интервју за бугарската БТВ вели дека главниот проблем за нив останува толкувањето на историјата.
Бугарија стави вето на македонските преговори, но останува до декември да се најде решение.
Лидерот на ВМРО-ДПМНЕ, Христијан Мицкоски констатираше дека се покажале како точни неговите тврдења дека бугарските власти бараат нов договор или анекс на Договорот за добрососедство.