Оспорување на изборниот процес: Кој бара да се поништат изборите од 11 декември?
Објавено во: Македонија 25 Април, 2017
Агенцијата Макфакс неофицијално дознава дека е пристигната иницијатива од граѓанин, со која се оспорува еден сегмент од изборниот процес.
„Се бара од Уставниот суд да ги поништи предвремените парламентарни избори од 11 декември лани, како и да се поништи гласањето на дијаспората, а како подносители се јавуваат граѓани“, пишува Макфакс.
Портпаролката на Уставниот суд, Оливера Филиповска, потврдила дека е пристигната една иницијатива од граѓанин,со која се оспорува Одлуката за распуштање на парламентот, како и Решението за распишување предвремени парламентарни избори од 11 декември.
Меѓутоа, ова не е единствената иницијатива . Се додава дека е пристигната уште една иницијатива од граѓанин, со која се оспорува еден сегмент од изборниот процес – гласањето на дијаспората.