Ова лето ќе донесе големи топлотни бранови
Објавено во: Свет 03 Јуни, 2019
Метеоролозите предвидуваат топлотни бранови на стариот континент.
Во делови на Европа минатиот викенд температурите се искачија до 30 Целзиусови степени. Велика Британија, Франција, Португалија и Шпанија минатиот викенд се соочија со топлотен бран иако метеоролозите прогнозираат дека температурите повторно ќе се намалат следната недела.
Топлотните бранови би можеле да бидат тренд ова лето во Европа според летната прогноза за 2019 година. Во Франција, Шпанија и во Португалија се можни температури и до 40 Целзиусови степени.
„Метео Франција“ пишува дека Европа и Франција ќе се соочат со повисоки температури ова лето, а државната метеоролошка агенција на Шпанија издаде предупредувања за високи температури во делови од Андалузија во текот на викендот.
„Метео Франција“ предвидува дека сушните услови може да влијаат и на северните делови на Европа.
Топлотните бранови и сувото време во Европа би можеле да предизвикаат шумски пожари во северниот дел на Португалија, Шпанија и Алпите.