ПАЛЕСТИНА ИЛИ ИЗРАЕЛ: Kaде ќе остане Ѕидот на плачот?

Добивај вести на Viber

САД предвидуваат Ѕидот на плачот во Источен Ерусалим да остане во Израел во согласност со евентуалниот мировен договор со Палестинците, изјави неименуван претставник на администрацијата на американскиот претседател, Доналд Трамп.

Специјалниот пратеник на Трамп за блискоисточниот мировен процес Џејсон Гринблат следната недела ќе го посети Израел.

Тоа ќе биде негова прва посета на регионот по одлуката на Трамп за Ерусалим. За следната недела предвидено е и потпретседателот на САД, Мајк Пенс да го посети Израел.

„Овој американски став повторно покажува дека актуелната американска администрација е сосема надвор од мировниот процес“- изјави Рудејна, додавајќи дека тоа би ја „консолидирало окупацијата“.

Ѕидот на плачот, останки од западниот ѕид на Вториот храм, е свето место за многу Евреи и е дел од пошироката зона којашто е во центарот на религиозните тензии, а која Евреите ја нарекуваат Ридот на храмот а муслиманите Плато на џамиите.