Паника на аеродром во Берлин, што е пронајдено?
Објавено во: Свет 27 Април, 2017
Поради сомнителен пакет еден од терминалите на меѓународниот аеродром „Шонефелд” во Берлин беше привремено затворен.
На местото беа испратени полициски сили кои извршија евакуација и ја блокираа зоната на терминал „Б”. Во соопштението објавено на официјалната Твитер страница, патниците беа замолени да ги следат инструкциите на силите за безбедност.
Аеродромот „Шонефелд” е лоциран на неколку километри југоисточно од Берлин. Илјадници патници поминуваат секој ден низ него. Набрзо по информацијата за евакуација на аеродромот, терминалот е повторно отворен за патници. Нема ризик по безбедноста на патниците. Летови не беа откажани.
Ова е втора евакуација на аеродромот во последните неколку денови.
Мерките за безбедност во Германија се зголемени по серијата терористички напади во Европа во изминатите неколку месеци.