Патот до Сончев град повторно вратен во програмата за довршување
Објавено во: Економија 23 Јануари, 2019
Довршувањето на патот на Водно до елитната насеба Сончев град, проект кој засега е стопиран, е вратено на агендата на ЈП Државни патишта за 2019-та. Во годишната програма за изградба, реконструкција, рехабилитација, одржување и заштита на државните патишта за оваа година се најде како прв под проектот „Довршување на активности на делницата Сончев град“.
Фамониот проект е прв меѓу 60-темина на листата за кои ЈП Државни патишта од сопствени средства ќе одвои повеќе од милијарда денари за рехабилитација, реконструкција, осветлување, сигнализација, свлечишта и тунели, но директорот на претпријатието Зоран Китанов вели дека нема да бидат трошени пари за патот поради кој беше уништен огромен дел од шумската површина на Водно.
- Тој пат е завршена работа и изграден е уште од кога јас сум назначен за директор на претпријатието. Нема да се потроши ниту денар повеќе, освен единствено за чуварската служба. Ставен е на листата чисто од технички причини по консултација со правната служба, бидејќи од таму сметаат дека треба да се врати на списокот се додека не биде пуштен во употреба - ни изјави Китанов.
Последен пат делницата во програмата се најде за годината 2017-та за продолжување со иградбата, а во 2018-та декларативно беше завршен. Од ЈП Државни патишта ни одговорија дека патот не може да биде пуштен во употреба се додека не биде завршено со имотно-правните постапки.
- Експропријацијата е завршена и исплатено е се, но постапката треба да се ивршува одново, бидејќи тоа што го правело претходното државно раководство било целосно погрешно. Наместо преку Министерството за животна средина, постапката треба да оди преку ЈП Паркови и зеленило - наведоа од ЈП Државни патишта,
Од таму велат дека оптимистичките прогнози за отстранување на административните пречки се најмалку два месеци. Лани измените на проектот мораа да се вметнат во сите документи со одново барање на дозволи, одобренија и согласности од низа институции што се дел од проектот за патот кон Сончев Град. Во моментов патот служи само за рекреација на велосипедисти.
А.К.
Можеби ќе ве интересира
АРАНЖМАНИТЕ ЗА МАЈ И ЈУНИ ПОПОЛНЕТИ, ИМА ПО НЕКОЕ МЕСТО И ЗА СЕПТЕМВРИ - Србите не се откажуваат од Грција, иако е поскапа за 15 отсто
СЕКОЈ ДЕСЕТТИ ГРК РАБОТИ ПРЕКУВРЕМЕНО, ХРВАТИТЕ МНОГУ ПОМАЛКУ, А БУГАРИТЕ НАЈМАЛКУ - еве што покажуваат податоците за земјите на Европската унија
КОНКУРЕНТСКИТЕ ВИ ГИГАНТИ ГИ ВОДАТ ЛУЃЕ КОИ СЕ РОДНИНИ И ПРИЈАТЕЛИ ОД ДЕТСТВОТО - еве како сѐ почна
СРБИТЕ ОДАТ НА СЕЗОНСКА РАБОТА ВО ХРВАТСКА: Зошто оваа земја е примамлива за нив?
ХРАНАТА ВО СВЕТОТ ПОСКАПУВА: Шеќерот поевтини поради позитивни сигнали од три земји
ВАЛУТИ: Зошто паѓа вредноста на доларот во однос на јенот?
ИЗБЕГАА ОД МОБИЛИЗАЦИЈА: Зошто Русите сега се враќаат дома?
НАЈБОГАТИ ЛУЃЕ ВО СВЕТОТ: Kaде на листата е Илон Маск?
ИНВЕСТИЦИЈА ОД 720 МИЛИОНИ ЕВРА ВО ГОРИВО НА ИДНИНАТА: ЕУ инвестиција, а две европски земји го земаат најголемиот дел од колачот
