Павлопулос: Со иредентистички тенденции Македонија нема европска иднина

Добивај вести на Viber

Претседателот на Грција,  Прокопис Павлопулос им порача на македонските политичари дека се додека се покажуваат иредентистички тенденции, Македонија нема да има европска иднина. 

Шефот на грчката држава, ова го кажа во неговата порака до народот на денешното одбележување на денот на независноста на Грција. Тој избегна да го спомне името Македонија.

Тој смета дека иредентистичките тенденции и инсистирањето на името Македонија се директно фалсификување на грчката историја и се косат со европските вредности кои се очекуваат од идна членка на ЕУ.

„Им потенцираме дека со присвојувањето имиња кои грубо ја фалсификуваат историјата и шират иредентизам, но и со покажување варварство врз бегалците, немаат европска иднина бидејќи со тоа ги прекршуваат директно европските принципи и вредности“– изјави Павлопулос.

Павлопулос истакна дека и од соседите на Балканот, но и од Европската Унија очекуваат да ги замолчат екстремистичките гласови, нехуманото и недемократското однесување и синдроми.

Ова не е прв пат грчкиот претседател да дава провокативни изјави за Македонија. Тој во неколку наврати рече дека Македонија е грчка.