Пендаровски ќе паузира привремено од политика
Објавено во: Македонија 25 Април, 2019
Стево Пендаровски, СДСМ и владеачката коалиција нема да држат класични предизборни трибини пред вториот круг од претседателските избори за време на велигденските празници. Од таму велат дека ќе ја почитуваат потребата од спокојството кое го очекуваат македонските граѓани во следниот период.
Од штабопт на Пендаровски велат дека во следните три-четири дена нема да има интензивна кампања, туку само неформални средби со симпатизерите.
-Предвидени се само средби со граѓаните, кои ќе бидат прилагодени на празничната атмосфера. Немаме намера да им досадуваме на граѓаните ниту да ги оптеретуваме –истакнуваат од штабот на претседателскиот кандидат.
Пендаровски во првиот круг од претседателските избори победи со само четири и пол илјади гласови предност во однос на конкурентот поддржан ов ВМРО-ДПМНЕ, Гордана Силјановска Давкова.