Пендаровски: Незадоволните Македонци нема да гласаат за Река

Добивај вести на Viber

СТево Пендаровски, кандидатот за шеф на државата во претседатеските избори, во интервју за Радио Слободна Европа вели дека политички незадоволните етнички Македонци нема да покажат голем интерес да гласаат за Блерим Река и покрај тоа што конкурентот добро се држи во кампањата со своите ставови.

„Мислам дека за Река ќе се определат оние кои сепак мислат дека етничката компонента на кандидатите е примарна, сето останато е секундарно. Не тврдам дека ние 100-процентно исполнивме сè што ветивме. И јас имам забелешки за тоа што е досега направено и јас мислам дека во некои сегменти можеше подобро, дека некои кадровски решенија не беа добри. Можеме да зборуваме за степенот на незадоволство, меѓутоа апсолутно се согласувам со перцепцијата на дел од граѓаните дека владејачката коалиција не испорача сè што вети во 2016 година. Тоа го имаат кажано и клучните министри на чело со премиерот“, вели Пендаровски.

Река се декларира како независен кандидат за претседател на Македонија кој сам се пријавил по сопствено убедува да учествува на претседателските избори иако зад него како поддршка стојат Беса и Алијансата за Албанците, двете опозициски партии од албанскиот политички блок.