Пендаровски во интервју за српска Политика го нападна Иванов
Објавено во: Македонија 19 Март, 2019
Претседателскиот кандидат, Стево Пендаровски вели дека актуелниот шеф на државата, Ѓорѓе Иванов работел против интересите на државата.
Пендаровски тоа го поткрепува со фактот дека во првите осум години бил апсолутно нем на крупните злоупотреби на Владата на поранешниот премиер, Никола Груевски.
„Не можете да најдете ниедна негова изјава во која критикува проект или потег на владата на Груевски, кој, пак, ја донесе Македонија на статусот на заробена држава, што е потврдено со извештајот на Европска комисија од 2016 година. Во последните две години од својот мандат доста е гласен во критика кон владата на Зоран Заев. Претходно одби да му даде мандат за составување на владата, иако Заев имаше обезбедено чисто мнозинство во парламентот. Потоа ги амнестираш најголемите криминалци од врвот на претходната власт, користеше апсолутно вето, на што, според Уставот, немаше право, за на крај да одбие да прифати уставни промени и ново име на земјата – изјави Пендаровски за „Политика“.
Toj во интервјуто додава дека има поддршка од Македонците, Србите, и Албанците, но и од другите националности кои живеат во земјава.
За односите меѓу Македонија и Србија, вели дека отворени прашања нема, но има простор за унапредување на економската соработка.
Пендаровски е оптимист дека тоа ќе се направи, затоа што целта е сите да живеат подобро.