Добивај вести на Viber
Скопскиот градоначалник Петре Шилегов објави дека се договорил со архиепископот г.г.Стефан резбаниот мебел од големиот резбар Нестор Алексиев - Мирчевски од поранешното „Матично“ во Центар да го превземе МПЦ ОА.
Шилегов најави дека откако резбаниот мебел че се репарира, ќе му се даде на Соборниот храм, каде што во иднина ќе може да се склучи и граѓански брак. Бараката на поранешното „Матично“, каде судбоносното „ДА“ го кажале генерации скопјани, се реновира и се трансформира во едукативно-креативен младински дом на извидниците.
„Денеска имав телефонски разговор со градоначалникот на општина Центар, Саша Богдановиќ, и архепискипот на МПЦ ОА г.г. Стефан. Се усогласивме да напуштениот резбан мебел во поранешното Матично, откако ќе биде репариран, биде даде на МПЦ ОА, која ќе го постави во просторија во рамките на Соборниот храм св. Климент Охридски во Скопје, која што ќе послужи како просторија во која ќе може да се склучи граѓански брак.
Благодарност до МОЦ ОА, благодарност до градоначалникот на општина Центар Саша Богдановиќ и до семејството на познатиот резбар Нестор Алексиев Мирчевски, што ова богатство повторно ќе го ставиме во функција“, напиша Шилегов на Фејсбук.