Пимен: Христос ќе воскресне без кого било од нас
Објавено во: Македонија 16 Април, 2020
Христос ќе воскресне без било кого од нас, вели владиката Пимен во својата колумна за МКД.мк, повикувајќи ги верниците да не се собираат масовно во православните храмови кога ќе имаат можност за тоа за велигденскиот празник.
Отецот им порача на верниците да не го истураат гневот врз властите кои ги носат мерките и одлуките за заштита од корона вирусот и по свештенството кое не сака отворени богослужби.
„Зарем со целата онаа побожност што ја носиме во себе и поради која постиме, не научивме дека Христос ќе воскресне и без било кого од нас што не отишол на Воскресната литија и дека можеме насекаде смирено и побожно да го дочекаме Воскресението, дури и во нашите домови.
Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од нас што со устата исповеда, а со срцето верува во Воскреснатиот.
Чувајте ги овие зборови во срцата ваши и бидете мудри и послушни. Не бидете злобни. Нели сте слушнале од вашите духовници дека послушанието е голема добродетел во духовниот живот, па така знаејќи го ова, ќе ги послушате ли вашите отци или ќе терате самоволие?3, вели Пимен во де од колумната.
Додава дека нас зависи во каков спомен ќе ни остане овој Велигден и ги повикува верниците за време на велигденските празници да ја искористат ситуацијата да се преиспитаат духовно себе си.