„Пивски картел“ во Германија ја договарал цената на пивото во последниве 20 години
Објавено во: Свет 20 Август, 2013
Германскиот весник „Фокус“ објави дека пиварите во Германија се соочени со обвинение дека направиле картел и последниве 20 години ја договарале цената на пивото.
Според извештајот на Сојузната канцеларија за заштита на пазарот, германските пивари ја местеле цената на омилениот пијалок на Германците и сега им се заканува казна од неколку стотици милиони евра.
Како што пишува „Фокус“, во јануари оваа година Фолкер Кул, директорот на Велтинс пивара истакнал дека прво се договарале со најголемите производители да ја кренат цената на пивото, а потоа во тој договор ги вклучувале и малите пивари.
Сомнежите за постоење на „пивски картел“ во Германија постојат веќе одредено време, но најновите информации откриваат колку оваа афера може да биде голема. Можно е германските пивари цената на пивото да ја договарале во последниве 20 години.
Како што наведува „Фокус“ до сега се сомневале дека недозволениот картел на германските пивари постоел во периодот од 2006 до 2008 година, но извештајот на Канцеларијата за заштита на пзарот има повеќе од 100 страници документи од истрагата и се ова може да биде почеток на една многу голема афера.