Добивај вести на Viber
Во Србија , не постои програмер кој работи за помалку од 500 евра, пишува Блиц. Платите од по 1.000 евра не се ретки, а нивните работодавци често нудат бонуси и автомобили.
„ За работата никогаш не сум имал грижи. Веќе во текот на студиите понуди доаѓаа од сите страни, и речиси не молеа да прифатиме ", вели за Блиц младиот ИТ експерт Стефан Костиќ ( 23 ).
Сепак, кон патот за безбедно работното место и добра плата имало тешкотии. Кога нешто немаше да работи, неможев да викнам мајстор за да го поправи туку морав да истражувам по компјутерскиот свет, вели тој.
Платата вели не смее да ја открие , но додава и дека не постои програмер кој работи за помалку од 500 евра. Тоа и не е многу, ако се земе предвид дека програмерите и други ИТ професионалци се најбараните кадри на српскиот домашен пазар .
Интересот за студиите по информатика се зголемува секоја година , особено оние на универзитетите познати по своите одлични образовни програми во областа на информатичката технологија. На нив во еден момент за запишување се натпреваруваат најмалку двајца кандидати , а понекогаш и тројца, така што на крајот успеваат да се запишат само најдобрите учениците.
„Нашите студенти имаат можност да добијат првата година голем број на стипендии , а компаниите буквално се грабаат за најдобрите меѓу нив. За жал, во секоја генерација барем 50 студенти одат во странство и ретко сакаат да се вратат во Србија " , вели проф.Лазар Сарановиќ, продекан за образование на ЕТФ во Белград.
Сепак, оние кои ќе најдат добри работни места во средината на студиите, ретко се одлучуваат да ја напуштат земјата .
„Кој е дополнително ангажиран, може многу убаво да заработи и на почетокот на студиите. Останав само со дипломаската работа до завршување, но работам во три компании. Неописливо е задоволството кога во земјата каде што сте родени ќе можете да живее удобно и чесно само од вашата работа ", вели Владимир Вељковиќ , студент од Нови Сад.