18 Мај, 2021
0.0242

По Дојран, се преговара и со други општини да овозможат попусти за српските туристи

Објавено во: Македонија 15 Април, 2021

По Дојран, Агенцијата за промоција и поддршка на туризмот преговара и со други општини со цел да се обезбедат попусти и други олеснувања за српските туристи.

Целта е да возвратиме за хуманиот гест и солидарност кој Србија го покажа и донираше вакцини за Македонија, но и да им се помогне на домашните туристичките работници кои се во криза периодов. Со низа олеснувања ќе придонесеме српските туристи да не ја одминат Македонија како туристичка дестинација оваа летна сезона.

„Агенцијата за промоција и поддршка на туризмот ќе продолжи со иницијативата која предвидува: oслободување на странските туристи од плаќање на паркинг во градовите, бесплатни билети за музеите, попусти во туристичко угостителските објекти. Оваа иницијатива е поттикната од хуманиот гест на српската влада за вакцинирање и донирање на вакцини за жителите во Македонија. Иницијативата ќе поттикне поголем број на српски туристи да ги посетат нашите градови на нивното патување по патниот правец Е 75 и подолго задржување во нашите дестинации, поголем број на туристи во нашите туристички места од Република Србија, бидејќи 2021 година се очекуваат гости од регионот поради состојбата со пандемијата. АППТ продолжува со разговорите со одредени општини за приклучување на иницијативата како што тоа го стори  Дојран“, објаснува директорот Љупчо Јаневски.

Со градоначалникот на Дојран, Анго Нагов, веќе е договорено за претстојната туристичка сезона во овој град српските туристи да добијат попусти во туристичко-угостителските објекти и бесплатен паркинг. Јаневски и Ангов најавија засилена промоција на Дојран како туристичка дестинација во регионот за да се искористат можностите од транзитниот туризам.  На пат кон Грција српските државјани често го посетуваат Дојран. Србите, заедно со Турците и Бугарите се едни од најбројните туристи кои ја посетуваат земјава, и тоа може да се види од извештаите на Државниот завод за статистика. Србија донираше вакцини од Фајзер и Спутник за Македонија. Премиерот Зоран Заев претходно спомена и дека е можно летово српските туристи да бидат ослободени од плаќање на патарини. Донираните вакцини вредат околу 700.000 евра.

Сања Атанасовска

фото Wikipedia

Можеби ќе ве интересира

Ќе има јавна дебата за Законот за дивоградби

Ќе има јавна дебата за Законот за дивоградби

Вчера имало две групни тепачки во Скопје

Вчера имало две групни тепачки во Скопје

Грција и Бугарија имаат најголем интерес нашата европска приказна да успее, вели Димитров

Грција и Бугарија имаат најголем интерес нашата европска приказна да успее, вели Димитров

Заев повторно патува во Брисел - со кого ќе се сретне?

Заев повторно патува во Брисел - со кого ќе се сретне?

Зошто Пендаровски се вакцинираше во Куманово?

Зошто Пендаровски се вакцинираше во Куманово?

Двајца починаа од коронавирусот, има и 83 нови случаи

Двајца починаа од коронавирусот, има и 83 нови случаи

Милановиќ ја брани Македонија, Џамбаски му порача да не се меша во внатрешните работи на Бугарија

Милановиќ ја брани Македонија, Џамбаски му порача да не се меша во внатрешните работи на Бугарија

Се однесувал несоодветно: Македонија прогласи руски дипломат за персона нон грата

Се однесувал несоодветно: Македонија прогласи руски дипломат за персона нон грата

ДЕСКОСКА, РЕМЕНСКИ, КИРАЦОВСКИ, ТАНАСОСКИ - беа на високи позиции, сега веќе не се дел од партиските органи

ДЕСКОСКА, РЕМЕНСКИ, КИРАЦОВСКИ, ТАНАСОСКИ - беа на високи позиции, сега веќе не се дел од партиските органи