По нападот во Манчестер, Столтенберг бара НАТО да преземе мерки против тероризмот
Објавено во: Свет 24 Мај, 2017
Генералниот секретар на НАТО, Јенс Столтенберг, вели дека бруталниот напад во Манчестер, покажува дека НАТО на средбата со американскиот претседател, Доналд Трамп мора да се согласи да се направи повеќе во борбата против тероризмот.
„Очекувам дека членките на НАТО ќе се согласат да се засили борбата против тероризмот, не само поради нападот во Манчестер“- рече Столтенберг, на денешната прес-конференција.
Борбата против тероризмот ќе биде на врвот на агендата на состанокот закажан за утре во Брисел. Ова ќе биде прв состанок на НАТО на кој ќе присуствува и Трамп.
Организацијата „Исламска држава“ ја презеде одговорноста за нападот на 22 мај на концерт во Манчестер, при што загинаа 22 луѓе, а околу 60 се повредени. Бомбаш самоубиец поставил експлозив при крајот на концертот. Многу од жртвите се деца, а најмалото е осумгодишно девојче.
Коалицијата предводена од САД, има 68 членки и се бори против „Исламската држава“. Сите 28 членки на НАТО се во коалицијата, но како одделни земји. Столтенберг смета дека ако НАТО како целина стане членка, ќе се зголеми значително координација во борбата против ИД во Сирија и во Ирак.
Можеби ќе ве интересира
ДО КРАЈОТ НА МАЈ: Koи европски земји ќе ја признаат Палестина?
TEРОРИСТИЧКИ НАПАД ВО РУСИЈА: Mилитанти фрлиле бомба и пукале кон полицајци
ДУРИ 300 ЕВРА КАЗНА ЗАТОЈ ШТО ЌЕ БИДЕ ФАТЕН БЕЗ БИЛЕТ: Влезот во Венеција чини 5 евра, еве за кого е бесплатен влезот
Најмоќните директори на денешницата на едно место - собрани околу важно прашање: шефовите на OpenAI, Google и Microsoft лице в лице
ПУКНА БРАНА ВО КЕНИЈА: Најмалку 42 лица загинаа во поплавите (ВИДЕО)
АКО НЕ УРСУЛА ФОН ДЕР ЛАЈЕН, ТОГАШ КОЈ: Седум имиња во трка за прв човек на Европската комисија?
ГО ДОНЕСЕ ФИАТ ВО ЈУГОСЛАВИЈА, БЕШЕ СИМБОЛ НА ИТАЛИЈА: Џани Ањели го живееше животот како на филм
ИТАЛИЈАНСКА СЕСТИЕРЕ ПОД 56 САНТИМЕТРИ СНЕГ: Деновите што доаѓаат се најавуваат нови обилни врнежи
