ПОЧНА СЕДНИЦАТА НА КОМИСИЈАТА ЗА УСТАВНИ ПРАШАЊА - пратениците од власта гласаа „за“, а од ВМРО-ДПМНЕ против
Објавено во: Македонија 25 Јули, 2023
Почна седницата за уставни прашања со која претседава собранискиот спикер, а присутен е и премиерот Ковачевски.
Претседателот Талат Џафери го предложи дневниот ред со единствена точка на дневен ред: Иницијатива за измена на Уставот.
Десет пратеници на владејачкото мнозинство гласаа ЗА дневниот ред, а сите седум пратеници на опозиционата коалиција предводена од ВМРО-ДПМНЕ гласаа против точката за уставните измени.
Против гласаа: Никола Мицевски, Александар Николоски, Владо Мисајловски, Проф. Гордана Силјаноска Давкова, Антонио Милошоски, Дафина Стојаноска и Иван Стоиљковиќ.
Денеска во 10 часот беше закажана седницата на Комисијата за уставни прашања во Собранието на која како единствена точка на предложениот дневен ред беше предлогот за пристапување кон измена на Уставот.
Најавите се дека пријавени за збор ќе има од сите пратенички групи.
Претседателот на Собранието Талат Џафери, кој е и претседател на Комисијата за уставни прашања, ја закажа седницата за денеска откако пред точно една недела Владата даде зелено светло за предлог-уставните амандмани кои претходно ги подготви работната група за уставни измени во рамки на Министерството за правда.
Во предлог-иницијативата што ја усвои Владата се предлага бугарскиот и уште пет други народи да се додадат во Преамбулата од Уставот. Во Преамбулата на македонскиот Устав треба да влезат и хрватскиот, црногорскиот, словенечкиот, еврејскиот и египќанскиот народ.
На 18 август, пак, предлог-уставните амандмани ќе се најдат пред пратениците на пленарна седница.
Можеби ќе ве интересира
ШПАНСКИ ТУРИСТИ И БЛОГЕРИ ЈА ИСТРАЖУВААТ МАКЕДОНИЈА - ќе стане ли атрактивна за тамошните жители?
СЕ ЗАБИЛ ВО БАНДЕРА ПО НЕУСПЕШНО ФИЛМСКО БЕГСТВО ОД ПОЛИЦИЈАТА - скопјанец не сакал да доиздржи казна затвор
„Добро е што новата Претседателка ја потпиша заклетвата со уставното име“ - еве што велат од Вреди за заклетвата на Силјанова - Давкова
Спасени две лица коишто со „квадрицикл“ излетале во провалија на Шар Планина
„Скапо го плативме патриотизмот“, се огласи лидерот на СИРИЗА, предлага новото раководство да се вразуми и да размисли за иднината на народот
УШТЕ ЕДЕН ИНЦИДЕНТ СО ВРСНИЧКО НАСИЛСТВО - две девојки ја тепале други две снимале
ПОДДРШКА ЗА СИЛЈАНОВСКА-ДАВКОВА?! - има некои многу познати имиња, кој се стои позади неа
„Европскиот тек на земјата зависи од употребата на уставното име на земјата“: реакција од грчкото МНР
„Со првата нејзина реченица создаде криза меѓу Македонија и Грција“: Адеми со бројни критики за говорот на претседателката
